الصيدلة بشكل عام كلها كيمياء وهي نبذة عنها ⬇️

🥼تخصص صيدلة - الجامعة الهاشمية 💊

📌سعر الساعة تنافس 75د

وموازي 140د

معدل الصيدلة السنة الماضية تنافس 95.65 

الموازي وقف عند 91 

هو تخصص سنوي بس احيانا بفتحوا التقديم إله بين الفصلين حسب الشواغر ،

التخصص بجمع ما بين الكيمياء والاحياء 

📌عدد ساعات التخصص ١٦٥ ساعة 

مقسمين على خمس سنوات ⬇️

🔴 أول سنة، بتكون أغلبها مواد مشتركة مع كليات أخرى ومافيها مواد تخصص مثل : 

( كيميا عامة ، علوم حياة عامة (بيو ) ، عربي ١٠١ ، انجليزي ١٠١ ، تفاضل وتكامل ، فيزيا عامة ، كيميا تحليلية ، لاب كيميا عامة ، لاب بيو ، لاب كيميا تحليلة ومواد اجباري واختياري جامعة )

🔴 السنة الثانية، بنصير ندخل بمواد قريبة لتخصصنا اكثر مثل ( فسيولوجي ، اناتومي ، عضوية ١ ، عضوية ٢ ، باثو ، بيوكم ، ولاباتهم ) وطبعًا المادة الوحيدة بهل سنة الي رح تحسسك بتخصص الصيدلة هي ( حساب وتراكيب الاشكال الصيدلانية ) كونها مادة رح تبلش تتعرف فيها على أشكال المنتجات بالصيدلية وتصنع باللاب بعض من هاي المنتجات مثل الكريم ، المرهم ، التحاميل وهكذا . .

🔴سنة ثالثة ورابعة وخامسة، بنصير ندخل بالتخصص ونتعمق فيه أكثر ، بحيث تتعرف على كل دواء و كيف بيأثر على جسم الانسان كيف بشتغل ولشو بنستخدمه ، اثاره الجانبية ، صناعته، اسماء تجارية وعلمية وكل شيءٍ يخص الدواء وبعد ما تتكون عنّا كل هاي المعلومات ، بنبلش ناخد عن حالات المرضى وكيف نعالجهم.

📌وبرحلتك بالتخصص بكون عندك تدريبين :

١- على صيفي سنة ثالثة تدريب بصيدليّات المجتمع .

٢- على صيفي سنة رابعة تدريب بصيدليّات مستشفيات .

📌 طيب وين بقدر أشتغل بعد ما اوخذ الشهادة كوني صيدلاني ؟!

-صيدليات المجتمع 

- صيدليّات المستشفيات 

- مراكز البحث العلمي

- المصانع الطبيّة

- شركات الأدويّة 

- مندوب طبي للمبيعات

- مستودعات الأدويّة 

- التدريس الأكاديميّ، في الجامعة لكن بشرط تكونوا مكملين ماستر على الأقل.

📌بتقدر كمان بعد ما تنهي الخمس سنوات، تكمل دراسات عليا بالجامعة الاردنية مثلاً  :

- دكتوراه الفلسفة في العلوم الصيدلانية

- ماجستير الصيدلة السريريّة

- ماجستير العلوم الصيدلانيّة

وحالياً صار عنا ماستر بالهاشمية ➡️

من ناحية الوظيفة بدك تشوف/ي شو بتفضل طبيعة شغلك او وين بتحب تشتغل والوظيفة هي رزق من الله